Panel këshillimor i ekspertëve të Administratës Amerikane të Ushqimit dhe Barnave (FDA) votoi në favor të autorizimit të vaksinës me një dozë kundër koronavirusit, të prodhuar prej kompanisë Johnson & Johnson, të ciëls i hapi dritën jeshile për përdorim emergjence, duke e afruar një hap më pranë shpërndarjes në Shtetet e Bashkuara. FDA-ja ka të ngjarë të autorizojë vaksinën për përdorim emergjent brenda një kohe shumë të shkurtër duke e bërë atë vaksinën e tretë të disponueshme në SHBA dhe të vetmen vaksinë që administrohet me një dozë. Paneli i përbërë nga mjekë, ekspertë të sëmundjeve infektive dhe studiues të mjekësisë votuan unanimisht se përfitimet e vaksinës tejkalojnë rreziqet e saj tek njerëzit e moshës 18 vjeç e lart. Kompania J&J ka thënë se do të jetë në gjendje të dërgojë tre deri në katër milionë doza të vaksinës javën e ardhshme nëse merr autorizimin e përdorimit emergjent, siç pritet. Më shumë se 50 milionë doza vaksinash janë administruar në të gjithë vendin, një moment historik që u vu në dukje të nga Presidenti Joe Biden. Por shfaqja e varianteve shumë ngjitëse të virusit e ka rritur urgjencën për të imunizuar qindra miliona njerëz më shumë ndaj një virusi që ka marrë jetët e më shumë se gjysmë milioni njerëzve në Shtetet e Bashkuara.