Ura më e gjatë këmbësore, e varur, është hapur në Portugali. 516 Arouca – është quajtur këhstu sepse ëhstë 516 metra e gjatë dhe ndodhet në qytetin Arouca, një orë në jug të portos. Ajo lidh ujvarën Aguieiras me grykën Paiva dhe është oferta më e fundit për aventurë në gjeoparkun Arouca, i njohur për sportet e tij ekstreme. Duhen 10 minuta për ta kaluar atë nëse merr në konsideratë edhe pamjen paroramike të ujvarës, grykën dhe lumin që rrjedh shpejt të parë përmes një hapësire nën këmbët e tua. Ose katër minuta nëse je i mbërthyer nga frika dhe do të arrish sa më shpejt në fundin e saj. Është një urë e varur në stil tibetian, që mbahet nga kabuj celiku dhe dy kulla gjigande në formë V-je. Lumi Paiva rrjedh 176 metra poshtë saj. Arouca 516 ia ka rrëmbyer kështu titullin një ure të varur në zvicër, 494 metra e gjatë, e inauguruar në 2017. Ura në zvicër ofron pamje mahnitëse nga Matterhorn, Ëeisshorn dhe aplet Berneze. Ndërsa në shtetet e bahskuara, ura më e gjatë këmbësore, e varur, është Skybridge në Tenesi, 207 metra e gjatë. Por, nëse lartësia të impresionon më shumë se gjatësia, ura e varur me një dysheme të xhamtë, më e lartë në botë është në Zhangjiajie në Kinë, ku vizitorët mund të shohin deri në 260 metra poshtë.