Prokuroria e Milanos ka hapur një hetim nën dyshimet se tre dekada më parë, shtetas italianë janë organizuar në grupe dhe kanë paguar milicitë e Radovan Karaxhiç për të vrarë për argëtim civilët boshnjakë gjatë rrethimit të Sarajevës. Hetimet kanë nisur pas një investigimit të gazetës italiane ‘Il Giornale’ të publikuar në korrik të këtij viti. Aktualisht akuzat janë ngritur ndaj personave të paidentifikuar në bazë të një kallëzimi të depozituar në prokurorinë e Milanos nga gazetari Ezio Gavazeni dhe ish magjistrati dhe Guido Salvini. Nga dëshmitë e mbledhura deri më tani dyshohet se të apasionuar pas armëve, kryesisht snajperave dhe simpatizantë të së djathtës ekstreme mblidheshin në Trieste dhe më pas kalonin kufirin dhe stacionoheshin me armët e tyre në kodrat e Sarajevës pasi më parë kishin paguar shuma të majme për ushtarët serbë të Bosnjes.