Donald Trump ka falur Rudy Giulianin dhe dhjetëra aleatë të tjerë të tij, të akuzuar për përpjekje për të përmbysur zgjedhjet e vitit 2020. Giuliani, dikur avokat personal i Trump, është në listën e 77 personave që kanë marrë falje "të plota, duke përfshirë anëtarë të rrethit të ngushtë të presidentit amerikan dhe ekipit ligjor të fushatës. Dokumenti i postuar nga Ed Martin, avokati i faljeve në SHBA, i njohur edhe si "Cari i Faljes" i Trumpit, është kryesisht simbolik pasi asnjë nga ata që janë identifikuar nuk u akuzua për krime federale. Së bashku me Giulianin, i cili ishte në ballë të fushatës duke pretenduar manipulim të zgjedhjeve pas fitores së Joe Biden, lista përfshin Mark Meadoës, ish-shefin e stafit të Shtëpisë së Bardhë, John Eastman, i cili u akuzua për krijimin e planit ligjor që Trump të përmbyste zgjedhjet, dhe Sidney Poëell, një avokat i fushatës së Trump.