Një shpërthim I fuqishëm tronditi kryeqytetin Indian të Dehlit këtë të hënë duke vrarë të paktën 8 persona dhe duke lënë të plagosur 19 të tjerë. Autoritetet thanë se një makinë shpërtheu ndërsa ende nuk dihen detajet mbi shkakun, Ngjarja ngriti më këmbë dhe antiterrorin që shkoi menjëherë në vendngjarje. Kryeministri Narendra Modi u shprehu ngushëllimet familjeve të të vrarëve dhe tha se ishte duke “shqyrtuar situatën” bashkë me Ministrin e Brendshëm Amit Shah dhe zyrtarë të tjerë. "Ngushëllime atyre që kanë humbur të dashurit e tyre në shpërthimin në Delhi... shpresojmë që të plagosurit të shërohen sa më shpejt", tha Modi në një deklaratë. Shpërthimi ndodhi në orët e para të mbrëmjes, pranë një stacioni metroje në një nga zonat më të populluara të Dehlit të vjetër, kjo psai ishte dhe momenti kur shumë qytetarë po ktheheshin nga puna. Ambulancat vërshuan drejt një spitali publik aty pranë, duke transportuar disa të plagosur, thanë gazetarët e AFP-së. Duke cituar autoritetet në spital, zëvendësshefi i zjarrfikësve të Neë Delhit, konfimroi për AFP viktimat dhe të plagosurit.