Virgin Hyperloop ka publikuar një video të re që tregon planet për një sistem transporti që ajo thotë se do ti lejojë pasagjerëve të udhëtojnë në një kabinë brenda një tubi me vakuum, me shpejtësi mbi 1 mijë km në orë. Kompania pretendon se sistemi do të vendosë standartet për udhëtimet në shekullin e 21 dhe do ti lejojë njerëzve të udhëtojnë mes qyteteve brenda pak minutave. Projekti tregon një numër kabinash brenda një tubi në të cilin ambjenti është në kushtet e vakuumit. Duke eleminuar thuajse tërësisht fërkimin aerodinamik kapsulat me bateri mund të arrijnë shpejtësinë e mbi 1 mijë kilometrave në orë duke përdorur pak energji. Në vend që të jenë të lidhura fizikisht, si vagonët e trenit, kapsulat do të udhëtojnë në kolona, që do të thotë se ato mund të ndjekin drejtime të ndryshme. Kapsulat mund të ndahen nga kolona në mënyrë të njëjtë me atë të një makine që del nga autostrada për të hyrë në një rrugë anësore dhe sistemi do të jetë në gjendje të transportojë mijëra pasagjerë në orë, në cdo drejtim. Kompania përfundoi testimet me pasagjerë nëntorin e shkuar dhe më herët ka kryer më shumë se 400 teste, pa udhëtarë.