Të tjera detaje kanë dalë në dritë sa I takon një prej shqiptarëve që mbeti viktimë e një atentati mafioz në Athinë. Kreshnik Çerçizaj, 41-vjeçari nga Vlora, ishte një nga skafistët që shkaktoi tragjedinë me dy viktima në skafin që udhëtonte drejt Italisë më 21 gusht të vitit 2002. Mjeti lundrues me 32 klandestinë në bord po udhëtonte drejt Italisë, por është pikasur nga Guardia Di Financia dhe në tentativë për t’i shpëtuar policisë italiane skafi është përplasur. Si pasojë e këtij incidenti humbën jetën dy klandestinët, Ilirian Idrizi, ish-drejtori i shkollës së Babicës dhe Zybajde Bracaj nga Mallakastra.