Presidenti Donald Trump, ka zbuluar se gjatë muajit maj ka urdhëruar ushtrinë amerikane të kryente një mision sekret në Ngushticën e Hormuzit, që synonte mbështetjen e cisternave të naftës dhe anijeve të tjera tregtare. Sipas deklaratës së tij, operacioni rezultoi në kalimin e më shumë se 100 milionë fuçive naftë nëpër Ngushticë dhe kanalizimin e tyre në treg. Trump tha se më shumë se 200 anije tregtare kaluan në mënyrë të sigurt nëpër Ngushticën e Hormuzit, duke ia atribuar suksesin e misionit pranisë dhe veprimit të Shteteve të Bashkuara në rajon. dhëheqësi amerikan shpjegoi se ky operacion po përparonte në heshtje çdo natë, duke hequr sasi të mëdha nafte të papërpunuar nga zona e konfliktit pa u vënë re, gjë që sipas tij i mbajti çmimet ndërkombëtare të energjisë jashtë kontrollit "Shtetet e Bashkuara të Amerikës kontrollojnë Ngushticën e Hormuzit, jo Irani", deklaroi ai. Presidenti amerikan shtoi se ushtria e Iranit është mundur dhe se ekonomia e vendit është shembur. Ai mbylli deklaratën e tij me frazën: “Ky është fundi I Iranit”.