Donald Trump do të ishte "i nderuar" të takohej me Udhëheqësin Suprem të Iranit, Ajatollahun Mojtaba Khamenei. Presidenti amerikan ka deklaruar se do ta bënte këtë nëse do të arrihej një marrëveshje për t'i dhënë fund luftës katërmujore midis SHBA-së dhe Iranit. "Nëse arrijmë një marrëveshje, mund të takohem me të", tha ai. "Kjo do të ishte në rregull për mua", tha manjati duke iu përgjigjur pyetjeve pyetjeve të gazetarëve në Zyrën Ovale. Mojtaba Khamenei u emërua Udhëheqës Suprem i Iranit pasi babai i tij, Ajatollah Ali Khamenei, u vra në ditën e parë të luftimeve. Trump tha se, pavarësisht sulmeve të përbashkëta të SHBA-së dhe Izraelit që rezultuan në vdekjen e babait të tij dhe anëtarëve të tjerë të familjes, ai pret që Khamenei të jetë një "profesionist" në lidhje me mundësinë e një takimi. "Në disa qarqe, ai në fakt ka një reputacion shumë të mirë", vërejti Trump.