Policia serbe njoftoi arrestimin e gjashtë personave në kuadër të hetimit të nisur për tragjedinë në Novi Sad, ndodhur në 1 nëntor të vitit të kaluar dhe ku humbën jetën 16 persona nga shembja e ccatisë së një stacioni hekurudhor. Mes të arrestuarve është edhe Tmislav Momirovic, ministër infrastrukturë në vitet 2020-2022, i cili është ndaluar në aeroportin e Beogradit në përpjekje për t’u larguar jashtë vendit. Zëvendësministri i së njëjtës ministri u arrestua gjithashtu, si dhe drejtues të kompanive të përfshira në tenderin e rindërtimit të stacionit hekurudhor, që u shemb tre muaj pasi u përurua. Arrestimet u urdhëruan nga Zyra e Prokurorit të Përgjithshëm për Krimin e Organizuar , e cila po heton korrupsionin e mundshëm në rindërtimin e rrjetit hekurudhor nga Beogradi deri në kufirin hungarez. Vdekja e 16 personave 9 muaj më parë në stacionin hekurudhor të Novi Sadit ka shkaktuar një stuhi reagimesh dhe protestash masive në Serbi, të udhëhequra nga studentët.