Policia e Korçës ka arrestuar tre persona dhe ka shpallur në kërkim dy të tjerë në kuadër të operacionit Restart, i nisur nga uniformat blu që në qershor të vitit të kaluar. Në total, numri i personave të arrestuar në kuadër të këtij operacioni ka shkuar në mbi 25 vetë. Ata dyshohen se janë pjesë e një skeme trafiku të drogës në drejtim të Greqisë. Tre të arrestuarit në fazën e katërmbëdhjetë të këtij operacioni janë shtetasit Gj.B., 26 vjeç, L.S., 29 vjeç dhe M.K., 19 vjeç që të gjithë banues në Ersekë, ndërsa janë shpallur në kërkim dy persona të tjerë, banorë të Ersekës dhe Leskovikut.