Sikur të mos mjaftonte COVID-19, tani Lojrat Olimpike të “Tokio 2020” i kërcënon edhe një Tajfun i fortë. Tajfuni, i teti i këtij sezoni, po kalon Paqësorin dhe po shkon drejt Honshusë, ishulli kryesor i Japonisë. Parashikohet që ai ”të zbarkojë” të martën në rajonin Kanto, i cili përfshin edhe Tokion. ”Masa të caktuara po merren për t’u përgatitur për stuhinë”, tha zëdhënësi i komitetit organizator, Tayaka Masa. Nuk është e pazakontë që ngjarjet olimpike të vonohen për shkak të motit të keq. Një zonë subtropikale me presion të ulët mbi oqeanin Paqësor kërcënon të formojë një stuhi dhe ajo po shkon drejt qytetit olimpik të Tokios. Në prag të këtij tajfuni të fuqishëm, të gjitha garat e sporteve të ujit janë afruar me nga një ditë duke parë se të gjithë meteorologët po e paralajmërojnë një ndryshim të madh atmosferik. Garat çerekfinale nuk do të zhvillohen më ditën e hënë siç ishin parashikuar, por ditën e dielë.