Është vënë në alam policia greke mëngjesin e kësaj të hënë në sheshin Sindagma, pasi një kamioncinë ku ndodheshin bidona me gaz dhe që drejtohej prej një një 57 vjeçar me probleme mendore ka hypur në sheshin përpapa parlamentit grek. Sipas policisë, mjeti në të cilin ndodhej personi me probleme kaloi me lehtësi kordonin e sigurisë, dhe qëndroi pak metra larg monumentit të ushtarit të panjohur. Policia mbylli me shpejtësi zonën dhe largoi evzonët, por nuk ndërhyri menjëherë, për shkak të rrezikut që paraqeste automjeti që ishte ngarkuar me lëndë bidona benzine dhe bombula gazi. U deshën disa minuta për të kuptuar policët se personi ishte me probleme mendore dhe në vazhdim u bë e mundur ndërhyrja e forcave speciale të cilat e vunë në pranga shkaktarin e këtij alarmi. Ai do të dërgohet në gjykatë për masë sigurie gjatë orëve në vazhdim. Automjeti u largua me siguri, ndërsa u urdhërua hapja e hetimeve të brendëshme, sesi u bë e mundur thyerja e kordoneve të sigurisë së parlamentet helen,me kaq lehtësi. Mësohet se personi që futi kamionçinën në zonën para parlamentit grek është një shqiptar nga Tepelena i quajtur Kristo Halili dhe njihej edhe me emrin Keli. Nga të dhënat bëhet e ditur se ka qenë në burg i dënuar për pjesëmarrje në organizatë kriminale, zjarrvënie të qëllimshme, prishje të pronës së tjetrit, kërcënim dhe gjobëvenie. Kohët e fundit rrinte në zonë Ajo Pavllo. Kë këtë zonë gjatë viteve të fundit janë ekzekutuar disa anëtarë të bandave shqiptare të krimit.