Thirrjet antishqiptare, që u dëgjuan gjatë ndeshjes se basketbollit Maqedoni e Veriut – Rumani, e cila u luajt në Kumanovë, kanë ngjallur reagime të ashpra. presidentja Gordana Siljanovska-Davkova e Maqedonisë së Veriut, përmes një postimi në FaceBook, shprehet se maqedonas ndihet i turpëruar pas këtyre thirrjeve. “Për shkak të analfabetizmit tonë sportiv, që ndodh për të kush e di të satën herë, me të drejtë nuk ndalen reagimet ndaj incidentit të tmerrshëm në ndeshjen e basketbollit në Kumanovë, ku disa tifozë të papërgjegjshëm qëlluan me plumba urrejtjeje ndaj bashkëqytetarëve tanë shqiptarë, por në fakt, na goditën të gjithëve, madje edhe vetveten, dhe sërish jemi të turpëruar”, shkroi presidentja në postim. Siljanovska-Davokva u shpreh se Maqedonia e Veriut nuk do të lejojë më që arenat sportive të kthehen në “arena tifozësh gladiatorësh”. Sipas saj, “mësimi i parë se si të brohorasësh mësohet në shtëpi e më pas në shkolla”. Presidentja nënvizon më tej se shteti duhet t’u kundërvihet urrejtjes së tifozëve dhe të mësojë se si të brohorasin.