Presidenti i Kosovës, Hashim Thaçi tha se deklaratat e disa zyrtarëve serbë ndaj viktimave civile të luftës “e dëmtojnë dialogun” dhe “ minojnë përpjekjet e përbashkëta për pajtim”. Pwrmes njw postimi nw Twitter, Thaçi u shpreh se deklaratat fyese të ministrit të Jashtëm të Serbisë, Ivica Daçic, dhe të ministrit serb të Mbrojtjes, Aleksandar Vulin ndaj viktimave civile të luftës, të vrara nga regjimi i Milloshevicit, “janë dëshmi se Serbia nuk i ka ndryshuar ende politikat e saj fashiste ndaj Kosovës”. Dacic ka shkaktuar reagime tw ashpra në Kosovë me deklaratat e tij tw konsideruara si kërcënuese për serbët që tregojnw se ku janw varrosur viktima shqiptare nw Serbi. Vulin, në anën tjetër, duke reaguar ndaj marrëveshjes mes Kosovës dhe Shqipërisë që Porti i Durrësit t’i takojë Kosovës, u shpreh se kryeministri i Shqipërisë, Edi Rama, vazhdon me përpjekjet e tij për të krijuar një “Shqipëri të Madhe”.Vulin, duke iu drejtuar shqiptarëve me termin përcmues “shiptari”, tha se vetëm serbët e bashkuar mund ta ndalojnë formimin e “Shqipërisë së Madhe”.