Teuta nuk humbet kohë dhe cakton menjëherë pasuesin e Edi martinit në pankinë. Do të jetë ish kapiteni i skuadrës durrsake, Renato Arapi ai që do të drejtojë skuadrën. kampionët e vendit zyrtarizuan gjithcka nëpërmjet një komunikate zyrtare ku theksohet se Arapi do të nisë punën ditën e hënë kur të kryejë seancën e radhës stërvitore. Lajmi për emërimin e Renato Arapit që deri tani ishte në rolin e Drejtorit teknik të Teutës, u publikua vetëm një ditë pasi u konfirmua zgjidhja e kontratës me Edi martinin me këtë të fundit që dha dorëheqjen e tij menjëherë pas humbjes së Teutës në kampionat ndaj Partizanit. pas 10 javëve të Abissnet Superiores, Teuta e sheh veten në vendin e katërt të klasifikimit me 13 pikë të grumbulluara. Renato Arapi ka qenë nën urdhrat e Edi martinit në 2 sezonet e fundit ku Teuta arriti të fitojë 3 trofe; 1 titull kampion, një Kupë dhe një Superkupë të Shqiprëisë duke fituar besimin e drejtuesve të klubit durrsak për të marrë rolin e trajnerit