Lëkundje të forta tërmeti janë ndjerë në detin Adriatik. Të dhënat e para të qendrës sizmiologjike europiane mesdhetare tregojnë se bëhët fjalë për një tërmet të magnitudës 5.9, në veri të Garganos në Itali në një thellësi prej 60 kilometrash. Instituti kombëtar Italian i gjeofizikës dhe vullkanologjisë, e uli magnitudën e tij nga 5.3 deri në 5.8. Më të dhunshme, lëkundjet e tokës ishin në Bari, por edhe në Romë e Napoli. Ato janë dhe në Shqipëri, në Durrës e Kavajë, ndonëse me një intensitet më të ulët. Rajoni i Ballkanit është përfshirë nga disa tërmete keto kohe, e me te fundit ishin në Gostivar të Maqedonisë së Veriut dhe në Greqi. Gjatë 2020-tës, Italia shënoi vetëm një tërmet të magnitudës 5.4 dhe 23 të tjerë që kishin magnitudw nga 4 deri në 5. Vendi megjithatë nuk i ka harruar pasojat e tmerrshme të tërmetit të 2016-tës në Amatrice, ku lëkundje me magnitudë 6, 2 sipas shkallës rihter rrafshuan fshatra të tërë e shkaktuan dhjetëra viktima.