Mijëra australianë iu përgjigjen thirrje për të protestuar kundër emigrantëve të dielën, ndërsa qeveria i konsideroi tubimet si të lidhura me të djathtën ekstreme dhe përhapëse të urrejtjes në vend. Tubimet nën sloganin "Marshimi për Australinë" u zhvilluan në Sydney, Melbourne, Adelajde dhe qytete të tjera të mëdha, ndërsa nuk munguan as përleshjet mes manifestuesve antiemigracion dhe mbështetësve të politikave liberale. Një numër politikanësh të opozitës iu bashkuan marshimeve. Australia është përballur me një rritje të ekstremizmit të krahut të djathtë kohët e fundit edhe pse autoritetet vendosën me ligj dënimin e detyrueshëm me burg për këdo që mbështet dhe promovon sloganet e gjestet naziste. Në total, në mbarë vendin organizatorët thanë se mbi 500 mijë australianë iu bashkuan protestës së thirrur prej tyre, ndërsa mediat vendase e ulin këtë shifër në 30 deri në 40 mijë pjesëmarrës.