Viti 2022 ka nisur vërtet shumë keq për Novak Djokovic. Tenisti serb tashmë është larguar nga Australia dhe udhëtoi drejt Dubait për të marrë më pas fluturimin e kthimit në Beograd. por edhe pjesa tjetër e vitit nuk është shumë premtues për tenistin serb që rrezikon të mos marrë pjesë edhe në shumë turne të tjerë për shkak të vaksinimit. Një prej eventeve madhorë që mund të humbasë numri 1 i botës është pikërisht turneu i dytë Grand Slam i vitit, Roland Garros edhe pse babai i Djokovic foli për praninë e djalit të tij në këtë kompeticion.