Rreth 2 milionë njerëz që nuk janë vaksinuar plotësisht kundër koronavirusit janë vendosur në izolim në austri nga dita e sotme ndërsa vendi po përballet me një rritje të rasteve. Ne po e marrim këtë hap pasi jemi të detyruar ta bëjmë këtë – tha kancelari Shallenberg. Njerëzit e pavaksinuar do të mund të lejohen të dalin nga shtëpitë vetëm për arsye të kufizuara, si puna apo blerja e ushqimeve. Rreth 65 për qind e popullatës së austrisë është tërësisht e vaksinuar dhe kjo është një nga shkallët më të ulëta në evropën perëndimore. Ndërkohë, shkalla javore e infektimeve është më shumë se 800 raste për 100 mijë banorë, cka përbën edhe një nga më të lartat në evropë. Në total, evropa është bërë edhe një herë rajoni më i prekur nga pandemia dhe disa shtete po kthejnë kufizimet e po paralajmërojnë për rritje të rasteve. Masat e marra në austri, që hynë në fuqi nga kjo e hënë, do të mbeten të tilla fillimisht për 10 ditët e ardhshme. Fëmijët nën moshën 12 vjec dhe njerëzit që janë shëruar së fundmi nga virusi, do të përjashtohen.