4 Maji, pra e marta e javës që vjen shënon edhe rikthimin në shkollë fizikisht dhe jo më online për gjithë nxënësit e sistemit parauniversitar në vend, nga klasa e 1-12. Janë 480 mijë nxënës dhe rreth 30 mijë punonjës të sistemit parauniversitar, që kthehen në klasa me rekomandim të Komitetit Teknik të Ekspertëve dhe me vendim të Ministrisë së Arsimit. Organizimi i turneve në klasa me numër të kufizuar nxënësish do të varet nga vetë shkolla. Në një kohë që janë vaksinuar apo janë në proces prindër, gjyshër dhe mësues, Ministria e Arsimit dhe Ministria e shëndetësisë bëjnë thirrje për respektimin e masave antiCovid. Përsa i përket sistemit universitar, rreth 120 mijë studentët do të vazhdojnë ta zhvillojnë procesin akademik online siç është zhvilluar deri tani.