Është koha që vëzhguesit e yjeve të shijojnë atë që konsiderohet si një nga shirat më spektakolarë të meteorëve. Presidet pritet të arrijnë kulmin natën e 12 gushtit, megjithëse kanë qenë aktive që nga mesi i korrikut dhe do të vazhdojnë të jenë të dukshëm për disa javë të tjera. Spektakli i përvitshëm, që është më i dukshëm në hemisferën veriore, shkaktohet nga diegja e mbetjeve të një komete të lashtë në atmosferën e Tokës. "Çdo vit, Toka kalon përmes materialit të lënë pas nga një trup qiellor i lashtë, Kometa Sëift-Tuttle, e cila vlerësohet të jetë mbi 5 miliardë vjeç, më e vjetër edhe se Toka", thotë Richard Parker, një astrofizikan në Universitetin e Sheffieldit. Ai thotë se kometa viziton sistemin e brendshëm diellor çdo 133 vjet dhe do të bënte afrimin e saj më të afërt me Tokën në vitin 2126. "Vlen të përmendet se kometa është objekti më i madh që i afrohet Tokës - por për fat të mirë, nuk parashikohet të afrohet në mënyrë të rrezikshme për mijëra vjet," shtoi Parker. Perseidet shkaktohen sepse mbeturinat e lëna nga kometa qëndrojnë në hapësirë. Meqenëse toka rrotullohet rreth diellit, vit pas viti, ajo vazhdon të përplaset me këto mbetje të kometës. Këtë radhë është hëna e plotë ajo që prish pak punë dhe mund ta zbehë spektaklin e meteorëve që digjen. Por sidoqoftë, nëse del natën vonë, në një vend të errët, dhe pret deri në 30 minuta, deri sa sytë të përshtaten, do të mund të shohësh jo pak yje që vien.