Danimarka ka planifikuar të marrë me qera 300 qeli burgu në Kosovë për të dërguar atje të burgosurit që janë në fund të dënimeve të tyre. qelitë do të përdoren për të burgosur të huaj që duhet të deportohen pas dënimeve të tyre – tha ministria e drejtësisë. Qeveria daneze e prezantoi planin të mërkurën në një përpjekje për të zbutur mbingarkesën e burgjeve. Projekti planifikon edhe të rrisë kapacitetin e sistemit danez të burgjeve me 326 vende nga viti 2022 deri në 2025. Vitin e kaluar rreth 350 të burgosur në burgjet daneze duhej të deportoheshin në fund të dënimeve të tyre. popullata në burgjet daneze është rritur me 19 për qind, duke shkuar në më shumë se 4 mijë të burgosur deri në fillim të 2021. Sipas të dhënave kombëtare, burgjet daneze janë tani në më shumë se 100 për qind të kapacitetit të tyre. gjatë të njëjtës periudhë, numri i rojave të burgjeve në vend ka rënë me 18 për qind.