SHBA do të punojë me aleatët për të transferuar tanke sovjetike në Ukrainë, në mënyrë që të forcohet mbrojtja e saj në rajonin e donbashit – raportoi Neë York Times duke cituar një zyrtar të lartë amerikan. Transferimi, i kërkuar nga presidenti ukrainas, do të nisë shumë shpejt, thotë zyrtari për Times. Ai nuk tha sidoqoftë se sa tanke do të dërgoheshin ose se cili vend do ti ofronte ato. Pentagoni nuk pranoi të bënte komente zyrtare për Reuters dhe as shtëpia e bardhë nuk iu përgjigj një kërkese për komente. Tanket do ta lejonin Ukrainën të kryente sulme artilerie në distanca më të gjata mbi shënjestrat ruse në rajonin e donbashit, në ukrainën juglindore – tha zyrtari amerikan për times. Kjo shënon të parën herë që nga fillimi i luftës që SHBA ndihmon në furnizimin e ukrainës me tanke. Ndërkohë pas lajmit të Neë York Times, reuters shkruan se Gjermania ka autorizuar dërgimin në Ukrainë të disa dhjetëra mjeteve luftarake të këmbësorisë që më parë i përkisnin ish gjermanisë lindore, në mesin e kritikave se berlini nuk po dërgon ndihma të mjaftueshme ushtarake në Kiev. Berlini ka ndezur kështu dritën jeshile për 56 mjete të llojit PbV-501 që të kalojnë nga një kompani ceke në kiev – tha një zëdhënës i ministrisë së mbrojtjes të premten. Ai iu përgjigj kërkesës për konfirmim të një raporti të shfaqur më herët në media, sipas të cilit 58 mjete të pajisura me topa dhe automatikë do ti dërgohen Ukrainës. Bëhet fjalë në thelb për tanke të erës sovjetike, që berlini ia kishte kaluar Suedisë në fund të viteve 90, e cila më pas ua shiti ato një kompanie Ceke, që tani synon t’ia shesë ato Kievit, shkruan Velt am Sonntag. Vendet që duan të shesin armë të eksportuara nga gjermania, kanë nevojë për miratimin e Berlinit para se ta bëjnë këtë.