Sulmi kibernetik i radhës që mban firmën e Iranit ka shkaktuar një kaos të vërtetë në vendin tonë. Të gjendur në këtë situata, institucionet janë detyruar të kthehen vite pas, duke lënë mënjanë sistemet online për t’u kthyer tek ai manual. Diçka e tillë u regjjistrua në pikat kufitare, porte dhe aeroportin ‘Nënë Tereza’. Ndërkohë aeroporti ‘Nënë Tereza’ iu bëri thirrje udhëtarëve të paraqiteshin në terminal 2:30 para orarit zyrtar të udhëtimit të tyre “Aeroporti Nderkombetar i Tiranes njofton të gjithë pasagjerët se pavarësisht problemeve momentale me sistemin TIMS, operimet vazhdojne pa vonesa në aeroport. Fluturimet vazhdojnë sipas planit, megjithatë, ju lutemi të jeni të pranishëm në TIA 2:30 orë përpara për të shmangur çdo shqetësim” Policia e Shtetit ka urdhëruar shkëputjen e lidhjes së internetin me kompjuterët e zyrave kufitare. Kjo si masë parandalimi e ndonjë sulmi. Sistemi Adam dhe ai Memex të cilët janë të një rëndësie të veçantë do të jenë në një plan të dytë përdorimi. Veprimet do të jenë manual deri në urdhrin e dytë. Sulmi duket se ka qenë I paralajmëruar dhe mirëpërgatitur, kjo për faktin se në faqen ‘Homelandjustice’ është publikuar një njoftim me mbishkrimin ‘Numërimi mbrapsh I Tiranë drejt fatkeqësisë ka nisur’.