Aksioni i Reneas vendosi nën shënjestër Ardjan Narkajn, të kërkuarin kombëtar për vrasje të dyfishtë. Ky i fundit kishte kthyer në strehën e tij të fshehtë, një stan në fshatin Razmë ku ishte nën vëzhgimin e mprehtë të forcave Renea prej 10 ditësh. Por kush është Ardjan Narkaj? Mbi emrin e Narkajt rëndon një vrasje e dyfishtë e kryer qysh prej vitit 2008 në Malësi të Madhe. Ngjarja ndodhi në fshatin Bratosh, ku viktimë mbetën Tonin Ulaj dhe Gjergj Shota. Krimi i dyfishtë ndodhi gjatë kohës kur dy viktimat ishin persona të shpallur në kërkim nga Policia e Shtetit.