Plot dy javë nga dorëheqja e tij si kryetar i Partisë Demokratike, Lulzim Basha ka folur për mediat për situatën aktuale në PD, të ardhmen e partisë, dorëheqjen e tij, për përplasjet me ish kryeministrin Sali Berisha, çështjen e presidentit si dhe për rikandidimin ose jo për të qenë edhe një herë numri një i opozitës. Pas zgjedhjeve të 6 marsit, ku ish kryetari i PD humbi për të gjashtën herë, kjo është hera e parë që ai nuk kursen asgjë, por zgjodhi të flasë për të gjitha ngjarjet më të fundit që kanë ndodhur dhe do të ndodhin në vijim në PD.