16 raste të reja janë regjistruar këtë të shtunë në Kosovë. Ministria e Shëndetësisë njoftoi se rastet e reja rezultuan pas testimit të 2.142 mostrave. Në harkun kohorë të 24 orëve të fundit nuk është regjistruar as edhe një viktimë, duke bërë kështu që qytetarët të qetësohen disi dhe të mos jenë aq të alarmuar sic ishn disa muaj më parë kur shpërtheu pandemia. Sa i përket vaksinimit, në 24 orët paraprake autoritetet kanë administruar 1,390 doza të vaksinave kundër koronavirusit. Nga aan tjëtër, që nga muaji mars, kur nisi fushata e imunizimit e deri më sot në vendin fqinj me dy doza të vaksinës janë imunizuar 780,024 qytetarë. Të drejtë vaksinimi kanë të gjithë qytetarët nga mosha 12-vjeçare dhe mund të marrin vaksinën e AstraZenecas apo të Pfizerit. Ndërkaq, që prej fillimit të dhjetorit, personat mbi 18 vjeç mund të marrin edhe dozat përforcuese dhe ato të treta të vaksinës. Nga ana tjetër në njoftimin zyrtar bëhet me dije se në total numri i rasteve aktive është 342.