Nëndetësja që u zhduk të mërkurën pranë brigjeve të Balit, me 53 persona në bord, është humbur përgjithnjë. Lajmi është konfirmiuar nga marina indoneziane, e cila ka mundur të lokalizojë pjesë të nëndetëses afër vendit ku ajo u zhduk. Një skanim ka pikasur ndërkohë nëndetësen në një thellësi prej 850 metrash, shumë më e madhe kjo se sa limiti i mbijetesës së saj. Vec të tjerash, nëndetësja kishte oksigjen për vetëm tre ditë. KRI Nanggala, u zhduk pasi kërkoi lejen për tu zhytur gjatë një stërvitjeje. Nëndetësja e ndërtuar në gjermani ishte më shumë se 40 vjecare por i ishte nënshtruar një riparimi gjeneral në 2012. Marina indoneziane ka insistuar se ajo ishte në gjendje të mirë, por një njollë vaji u dallua në vendin ku nëndetësja u zhyt duke ngritur frikën se karburatori mund të ishte dëmtuar. Pas zhdukjes së nëndetëses pati një përpjekje ndërkombëtare për ta lokalizuar atë, të cilës iu bashkua madje edhe shba dhe australia. Pamjet: AFP