Metoda e re e kultivimit të drogës në banesa private që tashmë njihet edhe me termin shtëpi bari, nuk është e panjohur për shqiptarët. Në shumë raste janë implikuar efektivë policie, ndërsa në raste të tjerë janë punonjës të Operatorit të Shpërndarjes së Energjisë Elektrike, që kontribuojnë në këtë aktivitet kriminal. Rasti më i fundit ishte në datën 24 mars në Lezhë, ku në kuadër të operacionit policor Trinomi, u arrestuan dy persona, njëri prej tyre me detyrë elekricist pranë OSHEE, Kurbin dhe u sekuestruan bimë narkotike, si dhe pajisje të ndryshme elektrike që shërbinin për kultivimin e bimëve narkotike. Isuf Kasmi, një banor I zonës ka treguar se tregon se ka parë persona të panjohur në fshat, por pa pasur dijeni për aktivitetin e tyre. Ky është rasti i tretë gjatë këtij viti që zbulohen “shtëpi bari” në Qarkun e Lezhës, ndërsa nga 1 janari deri në 15 mars në të gjithë vendin janë arrestuar për shpërdorim detyre 15 punonjës të OSHEE-së dhe 10 policë. Ata, ose nuk kanë konstatuar vjedhjen e energjisë që iu duhet këtyre laboratorëve, ose janë bashkëpunëtorë me kultivuesit e drogës. Nga ana tjetër, kryepolici Gledis Nano ka shpallur 2022-n vitin e