Media kroate “Jutarnji”, i ka kushtuar një artikull Serbisë pas kërcënimeve të fundit për trazira në Ballkan. “Kujtimet e stuhisë kanë kaluar ndaj në serbinë e vucicit, fokusi i sulmeve po zhvendoset tani nga Kroacia në destinacione të tjera të afërta. Kështu, në qetësinë e verës, për disa arsye, Serbia ndez përsëri retorikat dhe i hakërrehet maqedonisë së veriut dhe malit të zi. Aleksandër Vuçiç vetë e pranon se Serbinë po e pret vjeshta më e vështirë në historinë e saj. Megjithëse flet për "vuajtjet serbe" dhe "ditë të vështira" në cdo ditë të këtyre 10 viteve tyë shkuara, ai kërkon edhe të hakmerret ndaj Malit të Zi, duke u përpjekur të destabilizojë sërish rajonin e brishtë të Ballkanit jugperëndimor”, thuhet në artikullin e medias kroate. “Ne nuk e kërcënojmë Malin e Zi dhe Maqedoninë e Veriut, por ata nuk duhet të presin një falënderim nga ne sepse e njohën pavarësinë e Kosovës”, tha Aleksandër Vuçiç. Këto ditë, ministri serb i Mbrojtjes dhe pasardhësi i Vuçiç në krye të Partisë Progresive Serbe, Millosh Vuçeviç, tha se "Mali i Zi dhe Maqedonia e Veriut e kanë ofenduar Serbinë për shkak të njohjes së pavarësisë së Kosovës” edhe për këtë shkak ato i pret fati i Ukrainës. Sipas tij, Shkupi dhe Podgorica hapën kutinë e Pandorës me njohjen e kosovës dhe i akuzon ato për "ndërhyrje në punët e brendshme të Serbisë". Vuçeviç është i bindur se “Shqipëria e Madhe” po vjen dhe se do të përpijë madje edhe disa pjesë të Malit të Zi dhe Maqedonisë, ndaj paralajmëron: Po maqedonasit po flenë të qetë!? “Ata mendojnë se me hyrjen në NATO i zgjidhën problemet e tyre. Kjo është mantra e Malit të Zi dhe Maqedonisë së Veriut, por nuk është kështu”, thotë Vuçeviç. Ministri serb i Mbrojtjes tha se në Maqedoninë e Veriut 25 për qind e shqiptarëve mbajnë 50 për qind të qeverisë, ndërsa, siç thekson ai, “në Mal të Zi, 30 për qind e serbëve nuk kanë as dy ministri”.