Situata në komunat në Veri të Kosovës është tensionuar së tepërmi. Një shpëthim ka ndodhur vetëm pak minuta më parë, duke shënuar në këtë mënyrë një tjetër incident. Incidentet erdhën pasi disa njësi të forcave të Policisë së Kosovës kanë shoqëruar anëtarët e KQZ në zyrat e votimeve në Veri. Prania e forcave të policisë sipas mediave në Kosovë mund të jetë interpretuar edhe si provokim nga serbët e Veriut të cilët kundërshtojnë ashpër edhe mbajtjen e votimeve lokale.