Një automjet ka shpërthyer në orët e para të mëngjesit të kësaj të premte në lagjen 17 në Durrës. Policia bën me dije persona ende të paidentifikuar I vendosën një sasi lënde plasëse policit Lulzim Kastrati, ku fatmirësisht ka patur vetëm dëme të vogla materiale. Policia ka shoqëruar disa persona që dyshohen që mund të kenë dijeni për rrethanat e ngjarjes. Nuk dihet nëse ngjarja ka lidhje me punën e policit mirëpo grupi hetimor është ende duke punuar për të bërë të mundur zbardhjen e plotë. Kjo nuk është hera e parë që ndodhin sulme të këtij lloji. Vetëm një javë më parë, u ekzekutua me armë zjarri në makinën e tij ish-polici në Malësin e Madhe, Sokol Çelaj. Atentati me armë zjarri iu bë pranë banesës së tij, në momentin që ai ndodhej në makinë me bashkëshorten, e cila fatmirësisht nuk mori asnjë plumb. Aktualisht për këtë ngjarje nuk është arrestuar ende asnjë person.