Një autobombë ka shpërthyer në Moskë duke i marrë jetën një oficeri të lartë ushtarak rus, vetëm disa muaj pasi një shpërthim i ngjashëm vrau një gjeneral tjetër të lartë. Viktima, 62 vjeç, u nxor nga flakët që përfshinë një BMË X3 të martën përpara se të shpallej i vdekur në vendin e shpërthimit. Dëshmitarët okularë treguan ngjarjen dhe sipas tyre flakët shpërthyen nga pjesa e pasme e makinës. Kalimtarët nxituan të nxirrnin shoferin nga zjarri por ai nuk mundi të mbijetonte. Vendi i shpërthimit në orët e para të së martës është shumë afër vendit ku u vra gjeneral-lejtnanti Yaroslav Moskalik, në një tjetër shpërthim të ngjashëm, vitin e kaluar. Shefi i lartë i ushtrisë së Putinit, 59 vjeçari Moskalik, u vra pasi makina e tij u hodh në erë me një telekomandë.