‘Struktura e Kombeve të Bashkuara dhe e Këshillit të Sigurimit të OKB-së duhet të ndryshohet’, duket se Presidenti I Turqisë Rexhep Taip Erdogan ka shpërthyer në një deklaratë të fundit gjatë një konference për të drejtat e njeriut ku ka sulmuar në mënyrë direkte OKB-në , Perëndimin, SHBA si dhe Izraelin. Erdogan thekson se është harruar detyra primare për paqen. “Fatkeqësisht, më shumë se 70 anëtarë të shtypit vdiqën në Gaza. Nuk kemi më asnjë shpresë apo pritshmëri nga Këshilli i Sigurimit të OKB-së. Këshilli i Sigurimit, detyra e të cilit është të ruajë paqen dhe stabilitetin global, është kthyer në një këshill për të mbrojtur dhe mbrojtur Izraelin që nga 7 tetori.“, deklaroi Presidenti I turqisë. Sulmi kundër SHBA-ve erdhi direkt pas vetos ndaj rezolutës së Këshillit të Sigurimit për armëpushim në Gaza. Ndër të tjera Erdogan ashpërsoi tonet duke thënë se një botë e drejtë është e mundur por jo me SHBA. Veto e Shba-ve ka ngjallur shumë reagime të forta, ku dhe Hamasi më herët e ka përkufizuar vendimin si pjesë e akteve çnjerëzore.