Një dron detar i përdorur në luftën në Ukrainën fqinje vetëshpërtheu të premten në portin rumun të Konstancës në Detin e zi, pranë një terminali nafte, pa shkaktuar viktima, tha ministria e mbrojtjes. Porti u evakua, banorët përgjatë bregdetit të Detit të Zi të Rumanisë u paralajmëruan të qëndronin në vende të sigurta dhe dy helikopterë mbikëqyrën zonën për ndonjë dron tjetër, tha zëvendësministri i Brendshëm Raed Arafat. "Tani e dimë se ekziston rreziku i vetëshpërthimit, ne kemi evakuuar njerëzit nga porti në rast se do të ketë më shumë dronë," tha Arafat. "Nuk duam të përhapim panik, masat janë thjesht parandaluese", shtoi ai.