Dy persona janë vënë në pranga nga policia e Lezhës, pasi u kapën në flagracë duke shpërndarë lëndë narkotike në zonën e quajtur “Kryqëzimi i Patokut” në Kurbin. Policia bëri me dije se dy të rinjtë qarkullonhn me mjete dhe bënin shpërndarjen e kanabisit në doza. Pasi u bë I mundur lokalizimi dhe ndalimi i njhërit nga mjetet e dyshuara, forcat policore ushtruan një kontroll në makinë, ku sipas tyre u gjetën doza me lëndë të dyshuar cannabis sativa, gati për shitje, të cilat u sekuestruan në cilësinë e provës materiale, së bashku me automjetin. Gjithashtu, shërbimet e Policisë Kurbin, në Mamurras, kanë lokalizuar mjetin tjetër të dyshuar dhe pas ndalimit të mjetit kanë konstatuar se pasagjeri ka hedhur nga dritarja një qese që përmbante doza me lëndë narkotike. Në përfundim të veprimeve, specialistët për Hetimin e Narkotikëve dhe Trafiqeve në Lezhë bënë arrestimin në flagrancë të këtyre dy shtetasve për veprën penale “Prodhimi dhe shitja e narkotikëve”. Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme.