Situata hidrike në 3 hidrocentralet mbi kaskadën e lumit Drin po vazhdon të përmirësohet si pasojë e reshjeve të shiut dhe dëborës që kanë përfshirë vendin. Hidrocentrali i Fierzës i cili pak ditë më parë ishte në gjendje kritike, në pak orë ka pësuar një rritje tjetër prej 2 metrash. Këtë të martë, ujëmbledhësi më I madh në vend rezulton të jetë në kuotën e 267.46 metrave apo 4 metra më shumë se sa në raportimin zyrtar të KESH të datës 1 prill. Prurjet natyrore në Fierzë shkon në 405 metra kub ujë në sekondë, në Koman 180 metra kub ujë në sekondë dhe në Vaun e Dejës 20 metra kub ujë në sekondë.