Shtatë persona janë vënë në prangat e policisë, pasi janë kapur duke konsumuar dhe shitur lëndë narkotike në një lokal në rrugën “Gjin Bue Shpata” në Tiranë. Uniformat blu bënë me dije se ky lokal ishte përshatur si ambient për përdorim dhe shitje të lëndëve narkotike, i cili qëndronte hapur edhe pas orës së përcaktuar poilicore. Operacioni policor I koduar Klinetët, erdhi si pasojë e raportimit të qytetarëve se në këtë lokal dëgjohej muzikë e lartë pas orës policore. Gjatë kontrollit tw ushtruar në këtë subjet, policia konstatoi se në të shitej dhe konsumohej lëndë narkotike e llojit kokainë. Ndërsa u bë e mundur sekuestrimi e një sasie dozash me lëndë narkotike kokainë, si dhe u sekuestrun pajisjet muzikore. Në prangat e policisë janë vënë menaxheri I lokalit 39 vjec, 4 banakierë të këtij lokali Donald Cenaj, 24 vjeç, Marjo Balliu, 25 vjeç, Erjon Xheferri, 23 vjeç dhe Leon Kadriu, 20 vjeç, 2 klientë, Gridi Mihali, 28 vjeç, Barsel Halilaj, 30 vjeç. U procedua në gjendje të lirë një 32-vjeçar, pjesë e stafit të këtij subjekti për veprën penale “Moskallzim i krimit”. Si dhe është n shpallur në kërkim pronari I lokali dhe një person tjetër.