Bashkia e Tiranës ka publikuar një dokument të Institutit të Ndërtimit, në lidhje me prishjen e një pallati në zonën “Myslym Keta”, prekur nga tërmeti i vitit 2019. Ndër të tjera, në reagimin e Bashkisë thuhet se Instituti i Ndërtimit, i cili është institucioni që bën vlerësimin dhe ekspertizën teknike për sigurinë e një ndërtese që konsiderohet e dëmtuar, dhe që ka vlerësuar të gjithë pallatet pas tërmetit të 26 nëntorit 2019, ka rikonfirmuar nëpërmjet një shkrese që mban datën 15 dhjetor 2022, se Pallati Nr.4 në rrugën “Myslym Keta” në Tiranë, paraqet rrezik të lartë për banorët dhe duhet shembur.