Rezervat e Perëndimit në mbështetjen e luftës së Izraelit në Gaza nuk janë të pashtyershme dhe zërat kritikë po shtohen gjithnjë e më shumë. Kështu Franca dhe Gjermania kanë shprehur një shqetësim gjithnjë në rritje mbi faktin që po vriten shumë civilë në enklavën palestineze, teksa ditët e fundit edhe SHBA po i bën presion Izraelit që konflikti me Hamasin të mos kthehet në një çështje afatgjatë. Uashingtoni po i bën apel në mënyrë të përsëritur Netanyahut që të zgjidhë çështjen e luftës brenda vitit 2023, por kundërshtitët e liderit izraelit shtuar rrezikun e hapjes së një epoke të re të marrëdhënieve mes SHBA-ve dhe Izraelit. "Koha po kalon për Izraelin, pavarësisht dështimit të OKB-së për të rënë dakord për rezolutën e armëpushimit", thuhej në analizë e rrjetit britanik Sky News, pasi SHBA vendosi veton ndaj rezolutës nga Këshilli i Sigurimit. Në një lexim të parë, votimi në Kombet e Bashkuara tregoi se Izraeli ka ende mbështetjen e aleatit të tij më të fortë, Shteteve të Bashkuara si dhe Britanisë. Por me 13 nga 15 anëtarët e Këshillit të Sigurimit që votojnë në favor të armëpushimit dhe më shumë se 80 vende të tjera që e mbështesin atë, pozicionet e SHBA-së dhe Britanisë duken gjithnjë e më të izoluara. Marrëdhëniet SHBA-Izrael ka të ngjarë të bëhen gjithnjë e më të tendosura në javët e ardhshme, nëse të dy palët vazhdojnë të mos pajtohen për krizën humanitare dhe civilët në Gaza.