Uragani Laura në Gjirin e Meksikës është shndërruar në një stuhi të rrezikshme të kategorisë 4 dhe po lëviz në drejtim të shteteve amerikane, Teksas dhe Luiziana.Qendra Kombëtare e Uraganeve në SHBA njoftoi se epiqendra e stuhisë është disa kilometra larg Portit Artur në Teksas dhe se ajo ka shkaktuar tashmë erëra me fuqi prej 240 kilometrash në orë. Ekspertet e cilësuan stuhinë si “ jashtëzakonisht të rrezikshme” dhe parashikuan rritje të nivelit të ujit për më shumë se gjashtë metra.Laura zbarkoi në orët e vona të së mërkurës, me orën lokale si uragani më i fuqishëm që godet SHBA-në në disa vite. Guvernatorët e Teksasit dhe Luizianës kanë lëshuar urdhra evakuimi për më shumë se 500,000 banorë.Uragani i fundit masiv që ka goditur zonën, ka qenë Rita, në vitin 2005. Ai mori 120 jetë njerëzish dhe shkaktoi dëme në një vlerë prej 18 miliardë dollarësh. Laura e ka marrë 70 për qind të fuqisë në vetëm 24 orë.