Shtetet e Bashkuara të Amerikës po vëzhgojnë me kujdes të gjitha lëvizjet e ushtrisë serbe pranë kufirit me Kosovën. Deklarata u bë nga ndihmëssekretari amerikan i Shtetit për Europën dhe Euroazinë, James O’Brien. Zyrtari i lartë i Departamentit të Shtetit tha gjithashtu se Uashingtoni ja ka bërë të qartë Aleksandër Vuçiçit se përdorimi i forcës në Kosovës është i papranueshëm dhe me pasoja të rënda për Serbinë. O’Brien tha se një lëvizje e mundshme prej forcave të Serbisë në drejtim të Kosovës do të konsiderohej prej Shteteve të Bashkuara të Amerikës si kërcënim ndaj forcave të NATO-s, që janë pjesë e misionit të KFOR-it dhe garantojnë paqen dhe sigurinë si për shqiptarët, ashtu edhe për serbët.