Dislokimi i trupave serbe në kufirin e Kosovës, kujton atë që bëri rusia me ukrainën para pushtimit të saj, thotë ministrja e jashtme e Kosovës duke i kërkuar Bashkimit Evropian të marrë masa kundër beogradit, një ndër to, ngrirja e statusit të kandidatit. Paralajmërimi, që agjencia e lajmeve Reuters përcjell, vjen pasi SHBA tha të premten se po monitoronte lëvizjet shqetësuese të ushtrisë serbe përgjatë kufirit me kosovën, që po destabilizon zonën dhe nato tha se ka autorizuar trupa paqeruajtëse shtesë për Kosovën. “Nuk ka patur kurrë një përqendrim të tillë trupash, në vitet e fundit”, citon Reuters, ministren e jashtme të Kosovës, Donika Gërvalla Schëarz, të ketë thënë në një intervistë për transmetuesin gjerman Dojclandfank. “Armët që ata kanë atje, tanket, na japin një ndjesi të keqe sepse nuk e dimë se si komuniteti ndërkombëtar do të reagojë”. Ajo tha se nuk është vetëm përqendrimi i trupave në kufi të kosovës, por edhe retorika e serbisë dhe metodat e saj që i ngjasojnë sjelljes së rusisë kundrejt ukrainës. “Ndaj është e rëndësishme që të merren hapat e nevojshëm”, thotë ajo. Presidenti serb, Aleksander Vucic, tha javën e kaluar se nuk ka ndër mend të urdhërojë forcat e tij të kalojnë kufirin me kosovën sepse një përshkallëzim i konfliktit do të dëmtonte aspiratat e beogradit për tiu bashkuar BE-së. Tensionet janë të larta mes dy vendeve që pas betejës mes policisë dhe serbëve të armatosur të strehuar në një manastir, që e kthyen një fshat të qetë në kosovën veriore në një zonë lufte, 10 ditë më parë – shkruan Reuters.