Top News – Serbia flet për konflikt të armatosur!/ Bërnabiç – Jemi në prag të përplasjes me Kosovën

Kryeministrja e Serbisë, Ana Bërnabic doli të mërkurën me deklarata të forta për situatën në veri të Kosovës, duke deklaruar se dy vendet sipas saj janë në prag të konfliktit të armatosur”. Duke folur për arrestimin e ish- Policit të Kosovës, Dejan Pantic, i cili sulmoi anëtarët e KQZ, Bërnabic deklaron se ndalimi i tij është arsyeja pse serbët në veri kanë vendosur barrikada. “Lutja ime e fundit është që të tentojmë të ruajmë paqen. Jemi në prag të një konflikti të armatosur, për shkak të veprimeve të njëanshme të autoriteteve në Prishtinë”,deklaroi Brnabic. Megjithatë kur foli për barrikadat, ajo e zbuti paksa retorikën duke thënë se dialogu është shumë i rëndësishëm.