1 person është arrestuar nga Policia e Lezhës, ndërsa 2 të tjerë janë shpallur në kërkim në kuadër të një aksioni antikanabis. Në një banesë në përdorim prej tyre, uniformat blu kanë sekuestruar 32 kilogram e 200 gramë kanabis. Policia ishte njoftuar në rrugë operative, se në një banesë në fshatin Manat Lezhë, disa persona posedonin lëndë narkotike në banesë. Këta persona kishin dy banesa, ku njërën prej tyre e kishin kthyer si një bazë në të cilën grumbullonin lëndën narkotike. Policia u vendos menjëherë në terren ku pas kontrolleve u gjet lënda narkotike. U bë arrestimi i një personi, ndërsa dy djemtë e tij u shpallën në kërkim. Sipas burimeve, në momentet kur aksioni po zhvillohej të dy këta persona nuk kanë qenë në banesë. Ndërkohë pritet që përgjatë gjithë kësaj periudhe të vijojnë të tjera aksione nga ana e uniformave blu për evidentimin e rasteve të kultivimit të kanabisist ne Lezhë.