255 kg kanabis sativa jane sekuestruar nga departamenti i antidroges së Epirit, në vendin e quajtur "Kryqëzimi i Filatit". Sipas policise greke, lënda narkotike ishte ngarkuar në zonën kufitare mes Shqiperisë dhe Greqise dhe po transportohej në bordin e nje furgoni me targa greke që drejtohej prej një shtetasi grek 42 vjeç. Mesohet se droga kishte destinacion kryeqytetin helen Athinen, ndërsa shoferi deklaroi se kishte marrë përsipër ta transportonte atë kundrejt pagesës dhe do t’ja dorëzonte një personi të panjohur, që sipas tij, besonte se ishte shtetas shqiptar prej të cilit edhe do të paguhej kundrejt 200 eurosh për kg. Për t’u maskuar me mire dhe për të mos u kapur nga policia droga ishte vendosur mes kutive me placka dhe disa sendeve shtepiake. 42 vjecari do të dërgohet në gjykatë per mase sigurie, ndërsa furgoni dhe lenda narkotike u sekuestruan. Zona e kufirit mes shqipërisë dhe Greqëisë, në pjesën që ndahet me igumentcën, konsiderohet si një nga pikat prej nga ku nisen sasitë e kanabisit në shtetin grek dhe ku vepron grupi i njohur i trafikantëve të Shëndëllisë.