Mot i nxehtë pritet në të gjithë Evropën këtë javë, ndërsa një valë të nxehti do të përfshijë pjesë të mëdha të kontinentit. Një masë ajri e nxehtë nga Saharaja është pozicionuar mbi gadishullin Iberik dhe është përhapur në Francën jugore dhe perëndimore, duke ngritur temperaturat. Deri në mesjavë, ajri i nxehtë pritet të përhapet në verilindje në të gjithë Evropën, dhe të premten, temperaturat maksimale parashikohet të arrijnë në mbi 30 gradë në disa vende përfshirë Gjermaninë, Italinë dhe Çekinë. Edhe britania e madhe nuk do t’i shpëtojë të nxehtit. Parashikuesit e motit thonë se ajri i ngrohtë saharian do të lëvizë drejt veriut të kontinentit të enjten dhe të premten, duke rritur ndjeshëm temperaturat në të gjithë Anglinë.