Ushtria ruse ka tani në dorë vetëm pak prej avionëve të saj të vyer spiunë A-50, pas humbjeve më të fundit, sipas zyrtarit ukrainas të mbrojtjes Kirilo Budanov. Avioni Beriev A-50, i njohur nga nato me emrin Mainstay, është një mjet ajror i paralajmërimit të hershëm dhe përdoret nga rusia për të ndihmuar në monitorimin e mbrojtjes ajrore ukrainase. Avioni zakonisht fluturon me një ekuipazh prej 15 personash dhe vlerësohet se kushton më shumë se 300 milionë dollarë. Ushtria ruse, aktualisht po përdor një version të modernizuar të avionit, në njohur si A-50U, që mes të tjerash, zëvendëson sistemin analog të avionëve fillestarë me atë digjital, për gjurmim më të shpejtë të sinjalit dhe pikasje të shënjestrave. Të premten, forca ajrore ukrainase pretendoi se kishte rrëzuar një avion A-50U mbi detin azov, afër qytetit Primorsko Akhtarsk, avioni i dytë i këtij lloji që Kievi pretendon se ka shkatërruar këtë vit. Pavarësisht pretendimeve të zyrtarëve ukrainas, blogerat ushtarakë rusë thanë se avioni ishte rrëzuar aksidentalisht nga zjarri mik. Budanov, shef i drejtorisë së inteligjencës në ministrinë ukrainase të mbrojtjes, tha se tani ushtria ruse ka vetëm gjashtë avionë spiunë A-50 në dispozicion. Nëse edhe një prej tyre do të rrëzohet, thotë ai, forcat ruse nuk do të jenë në gjendje ti dislokojnë ata në cdo kohë. Zyrtarët rusë nuk e kanë konfirmuar dhe as mohuar pretendimin e ukrainës për avionët e tyre A-50.