Një aksident rrugor, me pasojë dy persona të plagosur është regjistruar mbrëmjen e kësaj të enjte në afërsi të fshatit Pocem të Mallakastrës. Të plagosurit janë një cift bashkëshortësh me shtetësi skoceze, Dominic Macfarlane dhe Gabriela Tominac. Mjeti i tyre tip rulot me targa të huaja E913JOË, doli nga rruga, ndërsa burrë e grua u dërguan në spitalin e Fierit për trajtim mjekësor. Dyshohet se shkak për devijimin e rules nga rruga ka qenë lagështira në rrugë, për shkak të reshjeve të dendura të shiut në orët e fundit. Por dyshime ka se, dalja e mjetit nga rruga ka ndodhur si pasojë e mungesës së ndricimit në këtë aks rrugor. Në vendin e ngjarjes, mbërriti menjherë policia dhe ambulance, ndërsa bëhet me dije se burrë e grua kanë lëndime të lehta dhe po marrin trajtim mjekësorë. Grupi hetimor ndodhet në vendin e ngjarjes dhe po kryehen të gjitha veprimet për të gjetur shkakun e daljes së rulotës nga rruga.